P162K nga cash prize nagahulat sa porkfest sa banwa sang Santa Barbara

ILOILO CITY — Nagahulat ang mga dalagkuan nga papremyo sa Pork Festival sa banwa sang Santa Barbara.

Ini ang ginkumpirmar sang Santa Barbara Local Government Unit kun sa diin isa sa mga criteria sang festival amu ang “pagwapa-gwapa” kag pa “namit-namit” nga lechon.

Kinahanglan nga nagabug-at sang 40 kilograms ang isa ka baboy agud ma-qualify nga pwede maluto nga lechon.

₱10,000 ang premyo sa 1st place, ₱9,000 sa second placer, ₱8,000 para sa 3rd placer kag 27 naman ka tig-₱5,000 ang mabaton bilang consolation prizes.

Sa mga luyag magpakigbahin sa Nobyembre 27, sarang makig-angut kay Accounting Officer Rolyn Vista kag Tourism Officer Domingo De la Peña.