ILOILO CITY— Nabaton na sang tatlo ka mga barangay sa banwa sang Dingle ang tag P100,000 nga balor sang cheke.
Ini amo ang Brgy. Gutao, Ilajas kag Camambugan, Dingle, Iloilo.
Ang pondo ang gamiton sa pagbakal sang Closed Circuit Television ukon CCTV cameras sang tatlo ka barangay para mapunggan ang krimen.
Madasig nga na-release sang Iloilo Provincial Government ang cheke bangud personal nga ginfollow-up ni Board Member Rolando “Rolly” B. Distura sa mga opisina nga gin-agyan sang mga dokumento.
Ang cheke ang personal nga ginbaton nanday Punong Brgy. Russel Lagamon sang Brgy. Gutao, Punong Brgy. Ronie Siva kaupod si Brgy. Treasurer Vincent Labar sang Brgy. Ilajas kag si Punong Brgy. Ernesto Dable kag Brgy. Treasurer Nocelita Tabay sang Brgy. Camambugan.
Tuman ang pagpasalamat sang mga opisyal sa bulig ni Board Member Distura.
