Sunday, August 7, 2022

P60-mil nga kwarta nataban sang mga kawatan sa isa ka apartment sa distrito sang Jaro

- Advertisement -

ILOILO CITY — Nagdangat sa P60,000 ang kwarta nga ginkawat sa apartment sa M.H. Del Pilar Jaro sang wala makilal-an nga mga suspetsado kaina sang kaagahon.

Sa pagpangusisa sang Radyo Bandera Iloilo, ginabulubanta nga alas-3:00 kaina sang kaagahon natukiban nga bukas na ang bintana sang Door 2 sang amo nga apartment kag bukas na ang mga bag sang mga biktima.

Nahibaluan nga tulog ang apat ka mga biktima sa ikaduha nga panalgan sang apartment.

- Advertisement -

Magluwas sa kwarta, wala naman sang may nakuha nga bagay ukon may nasamaran sa insidente.

Sandig naman sa inisyal nga imbestigasyon sang kapulisan, mahapos sudlon ang compound sang amo nga apartment bangud manubo ang gate sini kag wala sang may nagabantay nga gwardya.

Nahibaluan nga ika-lima na ini nga kaso sang pangpangawat sa amo nga lugar.

- Advertisement -

Sa karon, padayon ang imbestigasyon sang kapulisan agud makilal-an ang mga suspetsado nga nakapalagyo.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
896SubscribersSubscribe
- Advertisement -

Latest Articles