Monday, February 6, 2023

P900,000 balor sang druga , narekober sa HVI sa operasyon sang RPDEU-6 sa  distrito sang Molo

- Advertisement -

ILOILO CITY — Nagdangat sa P900,000 nga balor sang iligal nga druga ang narekober sa ginakabig nga High Value Individual (HVI) sang Regional Police Drug Enforcement Unit-6 (RPDEU-6) sa ginpatigayon nga drug buy-bust operation sa Brgy. East Timawa, Molo, las 11:50 kagab-i, Enero 18.

Ang suspek ang ginkilala kay Rogelio “Badong” Evangelista, 40-anyos, fish vendor kag residente Zone 15, Calaparan, Arevalo.

Sa interview sang Radyo Bandera Iloilo kay Police Major Rommel Anicete, acting chief sang RPDEU-6,  mga isa man ka bulan ang monitoring kay Badong antes ang madinalag-on nga operasyon.

- Advertisement -

Natigayon nga mabaklan si Evangelista sang isa ka bulto sang ginapatihan shabu gamit ang P20,000 nga buybust money.

Nakuha pa gid sa iya paghinakop ang 29 ka mga sachet sang druga nga nasulod sa isa ka suludlan nga napalibutan sang masking tape kag pouch nga duag de gatas.

May kabug-aton nga 140 grams ang ang nakumpiskar nga druga lakip na ang buybust item kag may estimated market value P900,000.

- Advertisement -

Nagbato kag nagtuyo magpalagyo ang suspek apang, natumba ini sa ginasakyan nga motorsiklo kag nakaagom sang gasgas sa nawala nga tuhod kag iban nga porsyon sang iya lawas.

Ginapatihan nga posible igapanagtag pa sang suspek sa iya mga parokyano ang narekober nga mga druga.

Sa madumduman, nga napreso si Evangelista sang tinalikdan nga 2013 sa amo man nga kaso kag nakaguwa ini pinaagi sa plea bargaining agreement sadtong tuig 2020.

- Advertisement -

Yara na karon sa paghinakop sang Molo PNP si Badong kag magapangatubang sa kaso nga paglapas sa Republic Act 9165 ukon ang Comprehensive Dangerous Drugs Act of 2002.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,350SubscribersSubscribe

Latest Articles