Ginapasalamatan sang mga kooperatiba sa syudad sang Iloilo ang pag-aprobar sang Department of Transportation (DOTr) sa Local Public Transport Route Plan (LPTRP).
Sa interview sang Radyo Bandera Iloilo kay Rizalito Alido, Chairman sang Western Visayas Transport Cooperative Corporation Incorporated (WVTCCI) iya ginpahayag nga may kopya naman sila sang approved LPTRB halin sa LTFRB Central Office kag nagahulat na lang sila nga makapirma na si Iloilo City Mayor Jerry Treñas.
Dugang pa ni Alido, sa tion nga mapatuman na ang LPTRP, ang gin-aprobahan nga mga units lang sa kada rota ang makabiyahe rason nga ang mga wala nakapamiyembro sa kooperatiba ukon nakapa- consolidate ang maga-untat naman sa pagbiyahe bangud nga makabig sila nga colorum.
Ginpahayag pa sini, nga kahigayunan nila nga mga transport cooperative nga maprotektahan ang ila rota nga mga nagsunod sa pagsulundan sang LTFRB para sa modernization program.
