ILOILO CITY— Daku nga advantage ang pag-usar sang mother tongue sa pagtudlo sa mga estudyante sa mga buluthuan.
Ini suno sa Commission on Population (POPCOM)-VI
Sa interview sang Radyo Bandera Iloilo kay POPCOM-Region VI Director Harold Alfred Marshall, ginpahayag sini nga mas madali maintindihan sang mga kabataan ang leksyon natuhoy sa Sex Education kun usaron ang mother tounge bilang medium ukon lengwahe sa pagtudlo.
Dugang pa ni Marshall, daku ang posibilidad nga mapanubo ang teenage preganancy kag pre-marital sex cases sa probinsya sang Iloilo, ni kun ma-aprobahan sang Department of Education ang nasambit nga hagna.
Positibo man ang panan-aw sang POPCOM-VI nga ini ang mangin palaagyan sang inclusive education ilabi na sa mga nabukid nga parte sa probinsya sang Iloilo.
Mas maayu suno kay Marshall nga naga-adjust ang manunudlo nga i-translate sa Hiligaynon ang leksyon agud dali nga ma absorb kag maintindiha sang mga estudyante ang leksyon.
