ILOILO CITY— Ginalantaw nga solusyon sang Iloilo Provincial Planning and Development sa traffic sang mga jeep sa atubang sang Christ the King amo ang pagbukas sang Ungka II Flyover.
Sa exclusive interview sang Radyo Bandera Iloilo kay Mario Nillos, Iloilo Provincial Planning and Development Office head, ginpahayag sini nga masami nga ginatunaan sang trapiko amo ang irr-egular nga pagload kag unload sang mga pasahero sa atubang sang Christ the King gani ginapanan-aw nga solusyon sang lokal nga panguluhan amo ang pagbukas sa publiko sang Ungka II Flyover sa Pavia.
Suno kay Nillos, tama kalayo sang sitwasyon sang mga pasahero sa Ungka ITGSI Terminal kun ipa-anngid sa Mohon kag Tagbak Terminal bangud naka-adjust na ang mga commuter sa siyam ka mga panibag-o ukon developmental routes.
Madumduman nga ang Ungka II -Flyover project ang nahamtang sa intersection sa Benigno S. Aquino Jr. Avenue sa Iloilo Diversion Road kag Pres. Corazon C. Aquino Avenue ukon Iloilo Circumferential Road 1, Brgy. Ungka sa banwa sang Pavia kag makabig nga pinakamalaba nga flyover sa probinsya.
