Positibo ang impact ukon resulta sa paghiwat sang mga Lechon Festivals sa pila ka mga kabanwahanan sa probinsya sang Iloilo.
Ini ang malipayon nga ginpakigbahin ni Governor Arthur Defensor Jr., sa interview sang Radyo Bandera Iloilo.
Una nga component amo ang consumption sang karne sang baboy sa mga Red Infected Zones kag Pink Buffer Zones pinaagi sa paghiwat sang mga Lechon Avenue sa banwa sang Tigbauan, Porky-Porky Festival sa Leganes, Lechon Festival sa Sta. Barbara kag PorkFest sa Oton.
Ikaduha diri nga component amo ang pagbuhi sang mga business sectors sa probinsya nga mabuligan ang mga negosyante kag mga apektado nga hog raisers.
Samatang pinakaulihi diri amo ang recovery measures kun sa diin natinguhaan nga mabuligan ang mga concerned hog/backyard raisers nga makabatun sang financial assistance.
