Paglakip sa mga PWDs sa cash-for-work program, suportado sang DSWD 6

ILOILO CITY — Suportado sang Department of Social Welfare and Development (DSWD) Field Office VI ang paglakip sa mga Persons with Disabilities (PWDs) sa cash-for-work program.

Suno sa ahensya, mangin kabulig ang mga PWDs sa nagkalain-lain nga community work ukon services kag sarang sila makabaton sang P4,000 nga cash assistance.

Nahibaluan nga nag-umpisa na ang paglunsyar sang sini nga programa sa pagtatap sang mga indibidwal nga may espesyal nga kondisyon kag nagapamatuod ini sa inclusivity.