Monday, August 15, 2022

Pagtimalos ginalantaw motibo sa pagpatay kay Apple Jane Nacionales; kaso nga murder napasaka na batok kay John Louie Macogue

- Advertisement -

ILOILO CITY— Ginpasakaan na sang kaso nga murder si John Louie Sevilla Macogue, ang nagtiro patay kay Apple Jane Castillo Nacionales sa City proper sang tinalikdan nga Hunyo 6, 2022.

Sa ginpatigayon nga press conference sang katapo sang Iloilo City Police Office sa pagpanguna ni Police Major Shella Mae Sangrines, ginpahayag nga pagtimalos ang ginalantaw motibo sa pagpatay sa biktima.

Si John Louie Sevilla Macogue amo ang 23-anyos nga bata ni Ma. Luisa Sevilla nga nadakpan sa buybust operation upod ang 20-anyos nga bata nga babayi sa Sto. Nino Norte sang tinalikdan nga Hunyo 3.

- Advertisement -

Suno sa kapulisan, gin-akusaran sang suspek si Apple nga amo ang nagpadihot nga dakpon ang iya nga iloy kag utod gani bangud sa iya kaugot kag pagtimalos gin-planuhan sini ang pagpatay sa biktima.

Nahibaluan nga ang ginsundan nila nga lead sa kaso agud matumod ang suspek amo ang may kaangtanan sa iligal nga druga.

Padayon pa nga ginatumod sang kapulisan agud nga madakpan duha pa ka mga suspek nga ginakabig drayber kag accomplice sa nasambit nga krimen.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
914SubscribersSubscribe
- Advertisement -

Latest Articles