Thursday, December 8, 2022

Pamilya Cabasan, nakabaton sang temprano nga pamaskwa gikan sa Radyo Bandera Iloilo Serbisyong Bandera, Wow May Puso !

- Advertisement -

Makasulubo ang sitwasyon sang panimalay sang pamilya Cabasan sang nagpadulong ang Radyo Bandera News Team subong nga hapon sa Zone 3, Brgy. Hinactacan, La Paz.

Makit-an ang tagpi-tagpi nga pader, nagatulo ang atop kag gatakilid na ang ibabaw nga porsyon sang ila balay bangud naapektuhan ini sang Bagyo Odette sang tinalikdan nga Disyembre, tuig 2021.

Wala pa makabangon ang ila pamilya humalin nga nahalitan sila sang bagyo kag kulang man ang kinitaan sang iya bana nga ₱3,000 kada bulan bilang construction worker para sa ila pang- adlaw-adlaw nga kinahanglanon.

- Advertisement -

Ang mag-asawa nga Evelyn kag Joanne ang may apat ka mga kabataan nga naga edad 11, anom, lima kag duha ka tuig nga lunsay naga-eskwela pa.

Napun-an sang kalipay ang pamilya Cabasan sang sila ang napilian nga mangin benepisyaro sang Radyo Bandera Iloilo Serbisyong Bandera, Wow May Puso sa diin nakabaton sila sang grocery items, DTX Coffee Mix, Radyo, ₱500 nga cash kag isa ka sako nga bugas gikan sa Radyo Bandera, RYU Foundation kag kay Doc Ramel Uy.

Suno kay nanay Evelyn, dako na ini nga bulig para sa ila bangud indi na siya magpalibog sang ila kalan-on sa sulod sang isa ka bulan ilabi na nga nag-untat sang trabaho ang iya asawa bangud malain ang iya pamatyag.

- Advertisement -

Ang pamilya Cabasan ang isa lamang sa mga benepisyaryo sang Radyo Bandera Iloilo, Serbisyong Bandera, Wow may Puso nga padayon nga nagabulig sa mga nagakinahanglan kag nagahatag sang paglaum sa mga Ilonggo.

Padayon nga magahatag ang Radyo Bandera Iloilo sa mga pamilya nga pigado kag gakinahanglan sang bulig, gani kabandera bantayan kay basi ikaw na ang masunod nga mahatagan.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,200SubscribersSubscribe

Latest Articles