Tuesday, January 31, 2023

Pamilya Chio, dismayado sa sistema kag serbisyo sang Forest Lake Memorial Park – Iloilo matapos nga ma-delay ang pagpalubong sang ila himata

- Advertisement -

Dismayado ang pamilya Chio sa talatapan sang Forest Lake Memorial Park – Iloilo matapos nga madelay ang pagpalubong sang ila himata bangud wala pa nakutkot ang lulubngan sini.

Sa interview sang Radyo Bandera Iloilo sa pila ka mga himata, nagpabutyag sila sang ila pagkadismaya sa nasambit nga sitwasyon.

Suno kay Rex Isidro, hinablos sang nagtaliwan, naka-schedule ang lubong sa las 10 sang aga kag sang nakaabot sila sang pasado las 9 sang aga, wala pa mahanda ang lulubnagan sini kag ginaumpisahan pa lang ang pagkutkot sang duta.

- Advertisement -

Ginapanawagan man niya sa management sang nasambit nga patyo nga indi na maliwat ang nasambit nga hitabo.

Nagapanawagan man si Fatima Chin, pakaisa sang napatay nga dapat i-improbar sang memorial park ang ila serbisyo nga indi na mangin huol sa mga tawo.

Dugang pa ni Exequiel Isidro, hinablos man sang nagtaliwan, nagkadto sila sa opisina sang talatapan agud diskusyunan ang ila reklamo kag nagpahayag ang management nga i-refund ang interment fee nila kag magahatag sila sang pagkaon apang wala man sang ginpirmahan nga agreement.

- Advertisement -

May kasugtanan man nga may charge nga ₱4,000 kun maglapaw sa natalana nga oras sang paglubong.

Nangin rason man sang kompanya nga naguba ang ila backhoe nga ginagamit sa pagkutkot kabangdanan wala gilayon makutkot ang lulubngan.

Samtang, tinguhaan naman sang Radyo Bandera Team nga makuhaan sang pahayag ang management sang Forest Lake.

- Advertisement -

Nahibaluan nga ang napatay sang Nobyembre 25 si Nicanor Chio matapos nga mabungu-an sang multicab sa atubang sang isa ka establisyemento sa Distrito sang La Paz.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,340SubscribersSubscribe

Latest Articles