Tuesday, January 31, 2023

Pamilya Jimena, doble karon ang kasubo bangud sa nasunugan ang ila balay samtang ginahaya ang ila minatay

- Advertisement -

Doble ang kasubo sang Pamilya Jimena sang magluntad ang sunog sa ila compound sa Zone 3, Brgy. Bakhaw, Mandurriao, pasado las 3 sang hapon, Disyembre 9.

Base sa inisyal nga interview kay Brgy. Tanod Rodolfo Biñas, gina-alegar kandila ang gintuna-an sang sunog kag gilayon nga ginkuha ang lungon sang magluntad ang sunog.

Sa inisyal nga impormasyon, may yara sang apat ka pamilya kag lima ka balay sa sulod sang compound sang pamilya Jimena kag gina-alegar gikan sa kwarto ni Felix Jimena nagsugod ang kalayo.

- Advertisement -

Dugang pa sini, nakabati sila sang lupok kag hinali lang nga ibwal ang kalayo.

Suno kay Francis Ian Jimena, nakabugtaw ini sang magluntad ang sunog kag bangud himo sa light materials ukon plywood ang dingding sang ila balay madasig nga nagdaku ang kalayo ang natupok ang apat ka mga balay.

Sa interview naman kay Punong Barangay Joel Alvarado, ginkasubo niya ang natabo sa nasambit nga pamilya bangud sa nasunugan sila samtang ginahamyang pa ang ila minatay.

- Advertisement -

Handa naman magbulig ang opisyales sang Brgy. Bakhaw paagi sa paghatag sang temporaryo nga ilistaran nila sa Barangay Hall ukon sa gym.

Panugyan naman ni PB Alvarado, maghalong sa ila tagsa ka mga panimalay ilabi na sa mga ginasaksak nga mga appliances kag extensions.

Sa karon, padayon pa ang imbestigasyon sang arson investigator sang mga katapo sang Bureau of Fire Protection.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,340SubscribersSubscribe

Latest Articles