ILOILO CITY— Desidido ang pamilya sang 68-anyos nga lola nga magpasaka sang kaso batok sa lalaki nga naghimulos sa biktima sa banwa sang Anilao, alas 1:00 sang kaagahon, Marso 27.
Sa interview ni Kabanderang Rey Umalay kay Alyas Fritz, umagad sang biktima, ginpahayag sini nga desidido gid sila nga magpasaka sang kaso batok sa suspek.
Suno pa kay Fritz, pagkita niya sa iya ugangan gilayon nila ini nga gindala sa ospital agud nga indi mawad-an sang dugo.
Dugang pa niya, natigayon nga makapalagyo ang suspek kag wala man nakahibalo ang pamilya kun diin ini nagkadto.
Ginpakigbahin pani Fritz nga wala man sila naghuna-huna nga maobra ini sang suspek bangud daw kaangay apo na ang pagkabig sang biktima sa iya.
Samtang padayon subong nga ginabulong ang biktima sa ospital.
Sa karun desidido gid ang pamilya sang 68-anyos nga lola nga magpasaka sang kaso batok sa suspek.
Nagapadayon pa ang imbestigasyon sang mga Anilao PNP.
