Panay-Guimaras-Negros bridge sigurado na sunu kay Mayor Treñas

ILOILO CITY — Sigurado na ang construction sang Panay-Guimaras-Negros bridge sunu kay Iloilo City Mayor Jerry Treñas matapos ang pagtambong sini sa fellowship dinner upod sang 146 ka mga alkalde kag mga 81 ka mga gobernador sang pungsod Pilipinas.

Sunu sa alkalde naka-istorya sila ni Bacolod City Mayor Albee Benitez nahanungod sa nasambit nga plano kag iya ginpahayag nga sigurado na nga madayon ini.

Dugang pa sang alkalde nakompleto na sang mga Korean Consultants ang revised feasibility study matapos nga ini ang ginpatumbyaan sang Chinese consultants.

Nahibaluan nga ang nasambit nga proyekto ang nagalaba sang 32km sa diin tigayon ang $56.6 Million loan halin sa gobyerno sang Korea.