ILOILO CITY— Pagasakaan na sang kaso nga Robbery with force and intimidation ang apat ka mga suspek nga nagpang hold-up sa Lalac Hardware sa Brgy. Agdahon, Passi City sang tinalikdan nga Marso 29.
Madumduman nga kahapon una na nga nadakpan ang duha sa apat ka mga suspetsado sa banwa sang Calinog samtang padayon naman nga ginapangita sa karun ang duha ka iban pa.
Sa interview sang Radyo Bandera Iloilo kay PLt. Col. Dennis Pamonag, Hepe sang Passi City MPS, ginpahayag sini nga nag-execute sang affidavit ang duha ka mga biktima batok sa mga suspek nga naghold-up sa ila.
Pinaagi sa natipon nga CCTV footages natigayon nga makilal-an kag madakpan ang duha.
Ginahikot na ang kaso sa prosecutors office subong nga adlaw.
Sa karun, nakahunong na sa Passi City PNP ang duha ka mga suspetsado.
