Pavia Municipal Police Station, pagatutukan ang mga persons of interest sa pagpatay kay Ludivina Frange

ILOILO CITY— Pagatutukan sang Pavia Municipal Station ang mga persons of interest sa nagtiro patay kay Ludivina Frange sa Barangay Ungka II, Pavia pasado alas 8:00 sang kagab-i. Abril 2, 2022.

Sa interview sang Radyo Bandera Iloilo Kay PMaj. Rolando Araño, Hepe sang Pavia Municipal Police Station, ginpahayag sini nga padayon ang ila imbestigasyon kag validation agud makilal-an ang mga suspetsado.

Suno kay Araño, main lead gid nila sa imbestigasyon amo ang nature sang trabaho ni Frange nga amo ang pautang.

Nahibaluan nga dead-on-arrival sa Western Visayas Medical Center si Frange matapos nga gintiro sang suspek nga nagasakay sa motorsiklo sa atubang sang isa ka mall sa nasambit nga banwa.