Wednesday, August 17, 2022

PBBM, wala nagsala nga ginpili si Lt. General Bacarro bilang bag-o nga Chief of Staff sang AFP, suno kay 3rd ID Commander Major Gen. Arevalo

- Advertisement -

ILOILO CITY — Wala nagsala nga ginpili ni President Bongbong Marcos si Lt. General Bartolome Vicente Bacarro bilang bag-o nga Chief of Staff sang Armed Forces of the Philippines.

Ini ang ginpahayag ni 3rd Infantry Division Commander, Major General Benedict Arevalo sa exclusive interview sang Radyo Bandera Iloilo.

Suno sa iya, si Lt. General Bacarro ang iya nangin classmate sang high school kag sa Philippine Military Academy kag nakaupod sa trabaho sa Civil Military Operations.

- Advertisement -

Ginsaysay ni Arevalo nga mabuot, hiposon, kag indi hambog nga sahi sang militar si Bacarro apang may ipabugal bangud sa iya abilidad kag kapasidad bilang miembro sang AFP.

Ginpahayag man ni Arevalo nga pagatutokan sang bag-o nga AFP Chief of Staff ang operations sang militar, modernization kag transformation sang AFP.

Samtang, nahibaluan nga si Bacarro ang pinaka-una nga AFP chief nga mahatagan sang “fixed three-year term”, base sa Republic Act 11709 nga gin-pirmahan ni former President Rodrigo Duterte sadtong Abril 13 tuig 2022 sa diin magadangat sa tatlo ka tuig ang “tour of duty” sang AFP Chief of Staff, Vice Chief of Staff, Deputy Chief of Staff, Major Service Commanders sang Philippine Army, Philippine Air Force kag Philippine Navy, unified command commanders, kag inspector general.

- Advertisement -
Karen Badilla
Karen Badilla
Karen might be new in the news landscape of Iloilo but she's certainly a pro. Before joining forces with Radyo Bandero Iloilo news team, she served as one of the reporters/anchorwoman/news writers of a radio station in Bacolod City. With more than 3 years of broadcast experience under her sleeve, Karen is a total package ready to serve and deliver nothing but reliable information to the people of Iloilo.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
916SubscribersSubscribe
- Advertisement -

Latest Articles