ILOILO CITY — Ginkalipay ni Police Colonel Martin Defensor Jr. ang pagdismiss sang Department of Justice (DOJ) sang kaso batok sa iya kag sa iban pa nga mga pulis angut sa Britannico slay case.
Sunu kay Defensor malipayon ini sang mabatian ang nasambit nga order kag bangud napamatud-an nga wala ini sang labot sa kamatayon ni Delfin Britannico nga anak ni anay partylist representative Salvador ‘Buddy’ Britannico.
Dugang pa sang natungdan mas malipay ini kuntani kung na witness sang iya nga mga ginikanan ang nabaton nga balita antes ang mga ini nagtaliwan
Nahibaluan nga si Defensor ang ginatudlo nga mastermind sa pagpatay kay Delfin Britannico sang Enero 19, 2020 kaupod nanday PSSgt. Ricardo C. Morante, PMSgt. Vernie Escorial, PCpl. Joseph Andrew Joven, PSSgt. Michael De Felipe kag PSSgt. Freddie Libo-on.
