Thursday, December 8, 2022

PDEA 6, ginarekomenda sa DPWH- Iloilo City DEO nga ipa-random drug test ang ila empleyado matapos makuhaan ang isa ka personnel sang P750,000 nga balor sang shabu

- Advertisement -

ILOILO CITY — Ginarekomenda sang Philippine Drug Enforcement Agency (PDEA) 6 nga magpatigayon sang random drug test ang Iloilo City District Engineering Office  sa mga empleyado sini matapos nga maaresto ang ila isa ka regular employee nga si Arvin Dela Cruz sang Oktubre 8 kun sa diin nakuhaan ini sang 28 sachets sang shabu nga nagabalor P750,000.

Ini ang pahayag ni Atty. Bomrad Sac Abonado, tagpamaba sa PDEA 6 sa pagpakig-angot sang Radyo Bandera Iloilo.

Dugang pa niya, mahimo maka-assist ang PDEA 6 kun magahingyo ang natungdan, kag mahimo man ang mga ini nga magkuha sang pribado nga ahensya para magpatigayon sang random drug test.

- Advertisement -

Sa karon, ginatugyan nalang sang PDEA 6 ang desisyon sa DPWH-Iloilo City DEO bangud kun madumduman nga una na nga nagpahayag si DPWH Iloilo District Engineer Cesar Hipona nga wala sila sang plano nga magpatigayon sini bangud sa guwa man sang ila opisina nadakpan si Dela Cruz kag lunsay mga alegasyon ang pahayag sini nga nagabaligya siya sang shabu sa iban pa niya nga kaupdanan sa opisina.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,200SubscribersSubscribe

Latest Articles