PDEA 6, gindayaw ang Carles PNP sa pagtiklo sang nakapalusot P6.8 million nga balor sang shabu

ILOILO CITY — Daku nga accomplishment sa bahin sang Carles Police Station ang pagka-aresto kay Mathews James Bacus, 20-anyos nga nakuhaan sang isa ka kilo nga shabu nga nagabalor P6,800,000.

Ini ang pahayag ni Atty. Bomrad Soc Abonado, Acting PIO sang Philippine Drug Enforcement Agency (PDEA) 6 sa pagpakig-angut sang Radyo Bandera Iloilo.

Suno pa kay Abonado, mahimo may yara sang daku nga tawo sa likod sini.

Dugang pa niya, sa nagahilapit nga Dinagyang mas mangin hugot sila sa pagbantay sa mga pantalan kag terminal bangud sa ginalauman nga pag-abot sang madamo nga bisita halin sa nagkalain-lain nga lugar.