May budget para sa ginahatag nga reward sa mga informant may kaangtanan sa mga drug personalities ilabi na sa mga dalagkuan nga mga drug buy bust operations.
Ini ang pahayag ni Atty. Bomrad Soc Abonado, Acting PIO sang Philippine Drug Enforcement Agency (PDEA) 6 sa interview sang Radyo Bandera Iloilo.
Dugang pa ni Abonado, indi na kinahanglan ang ginapasuni 30% tubtob 70% sa illegal drug recoveries bilang reward sa mga nagahatag sang tip nga isa sa mga alegasyon nga nangin practice sang ahensya nga padayon sa karon nga gina-imbestigaran sang Senado.
Suno pa sa iya, nga sang tinalikdan nga mga tinuig nakahatag naman sila sang naglab-ot P2 million nga reward sa mga informant.
Nagapanindugan ini nga padayon ang ila pagsunod sa nagakaigo nga proseso kag wala sang involvement sa iligal nga transaksyon ang ila mga operatiba.
