PDEA 6, handa na sa pagbantay sa mga port kag terminal sa palaabuton Dinagyang 2023

Nakahanda na ang Philippine Drug Enforcement Agency (PDEA) 6 sa pagdeploy sang ila personnel kag makig-angut sa iban pa nga units sa palaabuton nga Dinagyang Festival sa siyudad sang Iloilo.

Ini ang pahayag ni Atty. Bomrad Soc Abonado, Acting Public Information Officer sang PDEA 6 sa pagpakig-angut sang Radyo Bandera Iloilo.

Suno sa ila, mas pagahugton nila ang monitoring kag inspeksyon sa mga ports, airports kag terminal kun sa diin lakip sa pokus nila ang visibility sang ila mga personnel lakip na sang iban pa nga nga uniformed personnel.

Padayon man ang ila K9 inspection kag monitoring sang ila intelligence unit sa mga drug personalities nga mahimo magpalusot sang iligal nga druga sa selebrasyon.