ILOILO CITY — Ginahikot na sang Iloilo Provincial Disaster Risk Reduction Management Office (IPDRRMO) ang pagalokar sang pondo para sa mga biktima sang nagluntad nga buhawi kahapon, Enero 3.
Nahibaluan nga nakig-angut na si PDRRMO head Dr. Jerry Bionat sa Department of Social Welfare and Development Office pinaagi sa Assistance to Individuals in Crisis Situation (AICS) agud nga matigayon ang bulig sa mga naapektuhan.
Panugyan man ni Bionat, importante nga tun-an ang brochure sa diin nakasaad ang tanan nga dapat himuon sa tion sang kalalat-an kaangay na lang sang bagyo, buhawi, baha, ukon linog.
Nahibaluan nga madamo nga panimalay ang naaepktuhan sang buhawi nga naglabay sa Barangay Alegre sa banwa sang Oton kag sa distrito sang Arevalo sa syudad sang Iloilo las-5:00 kahapon sang kaagahon, kun sa diin 80 tanan ka mga panimalay ang nagkalaguba sa banwa sang Oton kag isa naman sa banwa sang Leganes, Iloilo.
