Masobra duha ka libo nga job vacancies gikan sa 37 tanan ka mga employers ang igatanyag para sa pagahiwaton nga Philippine Tourism Job Fair sa Marso 30 tubtob 31, 2023 sa Robinson’s Jaro.
Isa ka flagship employment program sang Department of Tourism (DOT) kag Department of Labor and Employment (DOLE) ang pre-registration para sa Trabaho, Turismo, Asenso sang Philippine Tourism Job Fair.
Tinutuyo sini nga mabuligan ang rehiyon kag mapalapit sa mga pumuluyo ang oportunidad sa trabaho.
Ginaganyat naman ang mga interesado nga aplikante nga magbisita sa philjob.net.gov.ph ukon personal nga magpadulong para sa walk-in application.
Kinahanglan nga magdala sang resume, transcripts of records, certificate of employment, certificate of training, professional portfolio, vaccination card kag extra nga papel kag ballpen.
