ILOILO CITY — Nagtambong ang pila ka mga dalagkuan nga personalidad kag mga pulitiko sa Dinagyang celebration, Enero 22.
Lakip sa mga nangin dinapit nga bisita amu sanday First Lady Liza Araneta-Marcos, House Speaker Ferdinand Martin Romualdez, kag Senators Bong Revilla, Bong Go, Mark Villar, JV Ejercito, Francis Tolentino, Risa Hontiveros, kag San Manuel Tarlac Mayor Donya Tesoro subong man si Department of Justice spokesperson Asst. Secretary Mico Clavano.
Nagtambong man sa Dinagyang sa Barangay Tribes Competition sa Freedom Grandstand ang Youtube sensation nga si Small Laude, Tessa Prieto Valdez kag Tim Yap, kag iban pa.
Wala naman nakita ang presensya ni Senator Imee Marcos, nga isa sa mga ginalauman nga magatambong sa amu nga festival.
Nahibaluan nga sang Enero 18, nagpagwa ang alkalde sang Executive Order No. 009 nga nagadumili sa ano man nga sahi sang protesta kag “political colors” sa paghiwat sang Dinagyang Festival.
