ILOILO CITY— Pabor ang kadam-an sa mga market vendor nga nagabaligya sa La Paz Public Market angut sa mandu sang National Government nga “No Booster Card, No Entry Policy” nga magasugod sa bulan sang Hunyo.
Sa interview sang Radyo Bandera Iloilo kay Frank Balquin, 58-anyos kag presidente sang La Paz Market, Fish Section ginpahayag sini nga kun ano ang mandu sang national government magasunod sila para sa kamaayuhan sang tanan.
Samtang suno naman Josie Jotes Baybayon, meat vendor, pabor ini nga magpabakuna liwat sang booster shots agud maproteheran ang ila kaugalingon, pamilya kag iban pa nga naga pamakal sa merkado.
Dugang pa ni Ruvie Lyn, isa ka manugbaligya sang isda, maga-adjust na lang sila para sa safety kag kahilwayan sang tanan bangud gusto na niya nga mangin normal ang pangabuhi sang tanan.
