Sarang magamit sang pila ka mga Local Government Units sa probinsya sang Iloilo ang ila tagsa ka lima ka porsiyento nga calamity fund apang para lang ini sa mga banwa nga lubos nga naapektuhan sang bagyo Paeng.
Ini ang ginkumpirmar ni Iloilo 4th District Board Member Domingo Oso, Jr.
Suno kay Oso, pililion lang ang mga LGU’s nga ginapahanugutan apisar napaidalum na ang rehiyon ni President Ferdinand Marcos, Jr. sa state of calamity.
Dugang pa niya, nagakadapat nga siguraduhon sang tagsa ka LGUs nga kwalipikado sila nga mag-usar sang pondo base sa pagsulundan sang COA.
Sa mga kabanwahanan nga lwala sila lubos nga naapektuhan sang bagyo apang luyag nga magamit sang ila calamity fund, ang posible nga mamalayran ukon makasuhan sang technical malversation.
Sa subong gina-asikaso sang tagsa ka mga LGU’s ang bulig pinansyal para sa mga apektado nga mga mangunguma, mangingisda kag pamilya nga nagub-an sang ila mga panimalay.
