4,787 ka mga wanted persons ang tigayon nga naaresto sang Police Regional Office 6 sa bug-os nga Western Visayas sa sulod sang siyam ka bulan sa sini nga tuig 2022.
Suno kay PRO 6 Director, Brigadier General Leo M. Francisco nga sa 4,787 wanted persons nga naaresto, 766 diri ang na categorized bilang Most Wanted Person (MWP) kag 4,021 naman nalakip sa Other Wanted Persons (OWP) list.
Sa 766 MWP, ang probinsya sang Negros Occidental ang may pinakamadamo nga naaresto sa diin naglab-ot ini sa 275; samtang 144 naman sa probinsya sang Iloilo; 94 sa syudad sang Bacolod; 68 sa Capiz; 65 sa Antique; 54 sa Aklan; 40 sa syudad sang Iloilo; 18 sa Regional Criminal Investigation and Detection Unit 6 (RCIDU6); 7 sa Guimaras; kag 1 naman sa Regional Mobile Force Battalion 6 (RMFB6).
Samtang, sa 4, 021 OWP, liwat nga nagapanguna ang Negros Occidental sa may pinakamadamo nga naaresto nga naglab-ot sa 2,154; 618 sa probinsya sang Iloilo; 345 sa syudad sang Bacolod; 181 sa Aklan kag Capiz; 175 sa Antique; 157 sa RCIDU6; 151 sa syudad sang Iloilo; kag 68 sa Guimaras.
“These accomplishments bespeak of the dedication and commitment of all unit commanders in the region to account wanted persons. Continue hunting the remaining wanted persons in your respective areas of responsibility, let them answer the crimes they have committed and give justice to the victims“, suno kay Francisco.
