ILOILO CITY — Balantayan para sa mga Ogtongganons ang pakaon lechon kag nagkalain-lain nga mga putahe sang baboy sa banwa sang Oton, Iloilo para sa duha nga okasyon nga Pork Festival kag Opening of Christmas Lights sa Disyembre 1.
Suno sa Oton Local Government Unit, hiwaton ang pork fest sa plaza sang Oton sa kasisidmon sa Disyembre 1.
Magadungan ini sa grand opening sang Christmas lights sa plaza.
10 ka mga baboy ang ihawon kag lutuon sa nagkalain-lain nga putahe kag ilatag sa mga bisita kag mga turista.
Nahibaluan nga ang pork festival, separado pa sa kafiestahan sa Disyembre 8 kag paga- lauman ang pagdagsa sang linuto nga baboy.
Tinutuyo sang sini nga pork fest nga mapromote ang pagbakal kag pagkaon sang baboy sa tunga sang epekto sang African Swine Fever sa mga negosyante sang baboy ukon hog raisers.
