Monday, August 15, 2022

Poultry products sa probinsya sang Iloilo liwat nga gin-ban bangud sa Avian influenza ukon Bird flu

- Advertisement -

ILOILO CITY— Liwat nga gindumilian ang pag-import sang poultry products kaangay sang table eggs, salted eggs, quail eggs, embryonated eggs ukon balut kag penoy, chicken manures gikan sa Luzon kag mga lugar nagikan sa Regions I, II, III, IV-A, V, Cordillera Administration Region kag Mindanao areas nga naapektuhan sang highly pathogenic avian influenza ukon HPAI  virus nga gindeklarar sang Department of Agriculture.

Wala naman ginadumilian ang old breeder chicks, day old pullet, hatching eggs, 𝐫𝐞𝐚𝐝𝐲 𝐭𝐨 𝐥𝐚𝐲 𝐩𝐮𝐥𝐥𝐞𝐭𝐬, dressed chicken, processed kag cooked poultry meat products.

Ang banning period ang nag-umpisa sang tinalikdan nga Mayo 4 tubtob Hunyo 2, 2022.

- Advertisement -

Sa interview sang Radyo Bandera Iloilo kay Doctor Darrel Tabuada, head sang Iloilo Provincial Veterinarian Office, ginpahayag sini nga nalakip sa section 1 sang pagsulundan amu ang pag amyendar sang Executive Order No. 224 Series of 2022, nga temporaryo nga pag-ban sang live domestic kag wild birds kag by-products.

Ginpahanugutan lang sang Department of Agriculture ang mga nalakip sa 𝐫𝐞𝐚𝐝𝐲 𝐭𝐨 𝐥𝐚𝐲 𝐩𝐮𝐥𝐥𝐞𝐭𝐬, apang kinahanglan aprikurahon ang masunod nga mga rekisito.

Kinahanglan nga makapaidalum sa Enzyme-linked Immunosorbent Assay Test result samples nga nakolekta sa nakaligad nga 21 dias, kinahanglan man pahanugot  nagikan sa  Bureau of Animal Industry accredited farm kag  Avian Influenza free municipality nga  certified sang  Provincial Veterinarian.

- Advertisement -

Suno pa kay Tabuada, kinahanglan nga ang shipper makapaidalum sa isa ka quarantine area sang  mga manok kada shipment, pag-implementar sang istrikto nga biosecurity measures sang quarantine area kag dapat ginamonitor sang  Municipal ukon City Agriculture Office kag Provincial Veterinarian office ang kondisyon sang manok.

Samtang ang tanan nga mga ready to lay pullets nga manok ang kinahanglan nga makapaidalum sa 14-day quarantine kag regular nga monitoring nagikan sa Municipal livestock technician kag veterinarian matapos ini nga ginbukot sa quarantine area.

Sarang na maka-release sang certification completion nga 14-day quarantine ang mga manok.

- Advertisement -

Ini nga tion mahimo  nga makakuha sang issuance  announcement sa  quarantine areas sang  kabug-usan nga numero sang mga manok  sa period sang quarantine.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
914SubscribersSubscribe
- Advertisement -

Latest Articles