ILOILO CITY — Preparado kag hands-on ang Oton Local Government Unit sa palaabuton nga Pork Festival kag Light a Tree Program sa Disyembre 1, 2022.
Natalana nga magpanagtag sang pre-packed pork meals ang talatapan agud masiguro nga hilway kag safe ini sa African Swine Fever (ASF).
Sa interview sang Radyo Bandera Iloilo kay Menchie Paniergo, Municipal Environment and Natural Resources Officer sang Oton, ini man ang isa nila ka stratehiya agud nga malikawan ang pagdugok ukon stampede sang mga pumuluyo.
Suno pa kay Maniergo, nag-abiso na ang Oton Local Government Unit nga magahatag lang sila sang pork meal tickets, nga ipanagtag mismo sa adlaw sang event.
Tinutuyo sang Pork Festival nga mabuligan ang mga apektado nga hog kag backyard raisers, pinaagi sa pagpahamtang sang mga food kiosks nga nagabaligya sang lechon kag pork barbecue.
Magluwas diri balantayan man ang parol kag lantern contest, kun sa diin magapasakup ang mga buluthuan sa Oton.
May nagahulat naman nga masobra ₱60,000 nga papremyo sa mga madaog.
