ILOILO CITY — Ginmanduan ni President Ferdinand “Bongbong” Marcos Jr. ang Department of Agriculture (DA) Western Visayas nga i-test ang tanan nga mga breeding sites sang baboy agud nga makontrol ang paglapta sang African Swine Fever (ASF).
Ang direktiba ni Marcos ang kasunod sang pag-disclose sang regional office sang DA-Western Visayas sa situation briefing sa Bacolod City, nga may nareport nga kaso sang ASF partikular na sa Iloilo.
Sa ginpagwa nga press release halin sa Office of the Press Secretary, ginpahayag ni Marcos nga dapat ipatuman ang tanan nga tikang agud nga mapunggan ang paglapta sang balatian sa mga baboy, lakip na ang pagdumili sa mga pork products halin sa infected areas.
Nahibaluan nga gindeklarar ang banwa sang Oton bilang red zone matapos nga may nabalhag nga nagpositibo nga mga baboy sa ASF.
