ILOILO CITY — Dapat i-regulate sang Local Government Units ang presyo sang karne sang baboy sa kada kabanwahanan suno sa Provincial Veterinary Office.
Sa interview sang Radyo Bandera Iloilo kay Dr. Darel Tabuada, Provincial Veterinarian, ginpahayag sini nga yara sa lokal nga pamunuan ang diber nga magpatuman sang maayo nga polisiya angot sa presyuhanay sang karne sa mga nagabaligya sa kilid sang mga dalanon.
Dugang pa sini, wala ginadumilian ang pagbaligya sang baboy sa mga dalanon apang dapat ini ang maga-agi sa meat inspection kag dapat may yara sang business permit nagikan sa banwa.
Samtang, gin-athag man sini nga mahatag lang sang suhesyon kag rekomendasyon ang PVO bangud ini ang devolved function sa mga LGUs sa idalum sang Local Economic Enterprises. Nagpasalig man si Tabuada nga supportado sang Provincial Government ang tikang sang mga LGU agud pasansyugon ang lokal nga ekonomiya sang probinsya.
