ILOILO CITY — Ginkumpirma ni Police Regional Office (PRO-6) spokesperson Police Lt. Col. Arnel Solis nga pormal na nga ginkakas sa serbisyo bilang katapo sang Philippine National Police (PNP) si Police Staff Sergeant Marvin Seasol matapos nga ginpapanaugan sang dismissal order sang National Police Commission (NAPOLCOM) Central Office bangud sang kaso nga pagpangastigo.
Sunu kay Solis nabaton na sang PRO-6 ang nasambit nga order kag gilayon man ini nga ginpatuman sang nasambit nga talatapan.
Dugang pa sang natungdan base sa rekord ni Seasol may ara ini sang order nga na petsahan Oktubre 21, 2021 halin sa National Headquarters sang PNP sa diin na mention ang iya dismissal epektibo Marso 16, 2021 bangud sang kaso nga grave misconduct. May kaangtanan diri ginpahayag dugang ni Solis nga mahimu pa nga mag-appeal ang dismissed police officer sa National office sang NAPOLCOM.
