ILOILO CITY— Nagapanghanda na ang probinsya sang Iloilo sa Dengue surge kag pagbaha gani pagapangunahan ni Governor Arthur Defensor Jr. ang clean-up drive kag clearing operation agud matapna ang dengue kag pagbaha sa bulan sang Hunyo.
Nagpa-gwa sang bag-o nga pagsulundan ang gobernador kag ini amo ang Executive Order No. 271 “Limpyo sa Hunyo 2022: Panglimyo Para sa Dengue Kag Baha.”
Tinutuyo sini nga mapanubo ang dengue cases sa probinsya pinaagi sa pag-implementar sang 5S Strategy: search and destroy of mosquito breeding sites, securing self-protection, seeking early consultation, supporting fogging/spraying only in hotspot areas, and observance of safety and health protocols.
Magluwas diri nagapatuman sang “4 o’clock habit” ukon searching and destroying mosquito-breeding places kada alas 4 sang hapon.
