ILOILO CITY — Nagtaas sang 100,000 ang overall population sa probinsya sang Iloilo makaligad ang lima ka tuig nga interval suno sa Commission on Population 6.
Sa interview sang Radyo Bandera Iloilo kay POPCOM-Region VI Director Harold Alfred Marshall, ginpahayag sini nga santu sa census sang Commission on Population VI kag Philippine Statistics Authority, nagsaka ang populasyon sa probinsya sang Iloilo sang tuig 2010, 2015 kag 2020.
Sang tuig 2010, yara sa 1.8 million ang overall population sa probinsya sang Iloilo; sang tuig 2020, nangin 1.9 million na ini kag nagsaka sang 100,000 subong nga tuig 2022 kun sa diin naglab-ot na sa 2,051,000.
Dugang pa ni Marshall nga kinahanglan ini i-regulate sa mga kabanwahanan kag matudluan ang tagsa ka pamilya natuhoy sa family planning agud mahagan-hagan ang nagahabok nga populasyon.
Ang padayon nga pagtaas sang populasyon sa probinsya ang nakita man nga mayor nga factor sa madasig nga paglapta sang COVID-19 virus kag iban pa nga mga sub-variants.
