ILOILO CITY— Yara na sang Dengue Alert Level-5 ang bug-os nga probinsya sang Iloilo.
Ini ang ginkumpirmar ni Iloilo Governor Arthur Defensor Jr. sa interview sang Radyo Bandera Iloilo.
Ginpahayag sini nga nakipagsapol na siya sa mga alkalde sa probinsya agud plastaron ang tikang may kaangtanan sa posibilidad nga dengue outbreak subong nga tuig.
Suno sa Gobernador, kinahanglan nga ipatuman sa sulod sang 48 ka oras ang Search and destroy mosquito breeding sit’es; Seek your self-protection; Seek early consultation measures; Support fogging; kag Social Distancing.
Dugang pa ni Defensor, iga-launch ang programa nga Alert Level-5 batok sa dengue agud nga mangin mabaskog ang kampanya sang Iloilo Provincial Government batok sa nasambit nga balatian.
Nagpasalig ini nga ginahimu na sang probinsya ang mga tikang agud mahagan-hagan ang dengue cases.
