ILOILO CITY— Madinalag-on nga ginlunsyar sang Iloilo Provincial government (IPG) ang Resbakuna Nutri-Vac padulong sa new normal.
Ini ang nutrition program sang Department of Health.
Sa interview sang Radyo Bandera Iloilo kay Governor Arthur Defensor Jr., gin athag sini nga nagpain ang talatapan sang pondo kag luyag nila gastuhan ang programa sa nutrisyon sa tuyo nga i-incentivise ang pagbakuna.
Ginaduso sang sini nga programa nga mapataas sa 70% ang mabakunahan sa total target population sa probinsya kag pagpanghanda ini sa posible nga pagtaas liwat sang kaso sang COVID-19.
Dugang pa ni Defensor kun matuod nga may yara sang deltacron variant sa iban nga pungsod posible nga magalab-ot man ini sa Pilipinas sa sulod sang duha ka bulan.
Ini ang nakita nga stratehiya sang gobernador nga mas mapasangkad vaccination roll-out sa 42 ka mga kabanwahanan.
