Pulo ka gramo sang iligal nga droga nakumpiskar sa duha ka lalaki sa banwa sang Guimbal

Dakop sa drug buy bust operation sa Sitio IgcocoloUbos, Brgy. Igcocolo Guimbal Iloilo sanday Rofino Pineda, 34 anyos nga taga Brgy. Sta. Rosa, Laguna Guimbal, kag si Adrian Gemino 26 anyos sang Portido Miag-ao.

Ginkasa ang operasyon pasado las 4 sang kaagahon, Marso 15, sang Special Drug Enforcement Team (SDET) sang Guimbal MPS nga ginapamunuan ni PCapt Felice Dioso.

Narekober sa mga suspek ang apat tanan ka sachets sang ginapatihan shabu nga nagabug-at sang pulo ka gramos kag nagabalor P68,000.

Lakip sa narekober ang buy bust money, drug paraphernalia, kag cellphone.

Yara naman sa kustodiya sang Guimbal MPS ang duha ka subject person.

VIA: KIM CALUYO