Wednesday, August 17, 2022

Punong barangay Lee Quimsing, gintuad nga may daan na nga record sang pagpangawat sa Barangay West Habog Habog, Molo si Robert John Sicaluya

- Advertisement -

ILOILO CITY — Ginpakigbahin ni punong barangay Lee Quimsing sang Barangay West Habog-Habog, Molo nga may madamo na nga record sang pagpangawat si Robert John Sicaluya, ang ikaduha nga suspek nga kaupod ni Briant Naya nga nagpangransak sa Blue Atlantis Gasoline Station sa banwa sang Oton.

Matandaan nga natabo ang insidente sang tinalikdan nga Mayo 19 kun sa diin masobra P200,000 ang ila nataban nga kwarta.

Sa interview sang Radyo Bandera Iloilo kay Quimsing, ginpahayag sini nga bata pa lang si alyas John-john may mga record na ini sa pagpangawat sa ila barangay.

- Advertisement -

Dugang pa ni Quimsing nga si Sicaluya ang masobra 10 na ka tuig nga wala naga pauli sa nasambit nga Barangay kag ang pamilya ni Sicaluya ang tumandok sang Antique.

Ginkumpirmar naman ni Police Major Ken Albert Lepsia, hepe sang Oton Municipal Police Station, nga napasakaan na sang kaso nga robbery ang tatlo ka mga suspetsado lakip na sanday Naya nga nakahunong na kag sanday Sicaluya kag isa ka John Doe nga nagapabilin nga atlarge.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
916SubscribersSubscribe
- Advertisement -

Latest Articles