ILOILO CITY— Nag-promisa si Punong Barangay Ricardo Tugado sa Radyo Bandersa Iloilo nga hatagan nila sang tikang ang problema angut sa mga nagalagaw nga layaw nga baka nga masami rasun sang aksidente sa circumferential road.
Sa exclusive interview ni Kabanderang Rey Umalay kay Punong Barangay Tugad sa programa Foro de los Pubelos, ginpahayag sini nga istoryahon niya ang pamilya sang nagapanag-iya sang mga layaw nga baka nga higtan kag kurungon ang mga ini agud nga indi maghatag sang halit sa mga motorista sa dalanon.
Suno kay Tugado, kadtuan niya bwas ang mga nagapang-iya sang baka agud nga sapulon kag hingyuon nga dapat tumanon nila ang mandu nga maayo nga pag-atipan sang mga baka.
Nahibaluan nga na-aksidente ang isa ka babayi kahapon sang kaagahon bangud nabungguan sini ang nagtabok nga baka sa diin lunsay pilason ang mga ini.
Ginpakigbahin naman ni Tugado nga naghatag sang bulig ang tag-iya sang baka sa babayi nga na-aksidente.
