Saturday, August 20, 2022

Punong Barangay Ricardo Tugado sang Sooc, Arevalo nagpanugyan sa mga tag-iya sang layaw nga baka nga himuson ang ila mga hinuptanan nga masami ginatunaan sang disgrasya sa dalan

- Advertisement -

ILOILO CITY— Nagpanugyan si Sooc Punong Barangay Ricardo Tugado sa mga tag-iya sang layaw nga baka nga himuson nila ang ila mga hinuptanan agud nga indi maglinapta sa dalan kag posible makatuga sang disgrasya.

Sa exclusive interview ni Kabanderang Rey Umalay kay Punong Barangay Tugado, iya ginpahayag nga lain naman ini nga grupo sang mga baka kag sa Brgy. Navais nagahalin ang nasambit nga mga sapat.

Suno kay Tugado, indi ma-trace kun sin-o ang tag-iya sang baka nga nagalinapta.

- Advertisement -

Ginpakigbahin pa sini nga kun may madakpan sila nga baka gilayon nila ini nga ginabutang sa turil agud nga indi maka-gwa kag ginagawad lang ini sang tagsa ka tag-iya.

Dugang pa sang Punong Barangay, gin-adoptar na nila ang city ordinance nga pagamultahon sang P1,000 ang sin-o man nga tag-iya nga ginapabay-an lang ang ila nga sapat kag P2,000 naman kun second offense na ini.

Nagpahanumdom si Tugado sa tagsa ka mga pumuluyo kag tag-iya nga kun tani magkooperar agud nga indi na maglinapta ang ila nga mga kasapatan.

- Advertisement -

Madumduman nga layaw nga baka ang rasun sang pagkamatay sang isa ka babayi sa Circumferential Road sang tinalikdan nga bulan gani naghimo sang paagi ang mga opisyales sang barangay nga tipunon ang mga layaw nga baka apang sang damlag lang may lain na naman nga grupo sang baka ang nagalinapta sa Brgy. Sooc.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
924SubscribersSubscribe
- Advertisement -

Latest Articles