Monday, August 15, 2022

Radyo Bandera Iloilo, serbisyong bandera, wow may puso! natandog ang balatyagon sang 67-anyos nga iloy nga tatlo na ka tuig nga naga-suprer sang sakit nga cervical cancer

- Advertisement -

ILOILO CITY— Nagapuyo sa idalum sang wala mahuman nga balay kag kun magsulod diri kinahanglan pa nga magduko bangud sa kanubo sini.

Sa tion sang tig-ululan, nagatulo ang sulod sang balay bangud human lang sa ginsampaw-sampaw nga trapal ang ila nga atop.

Amo ini kabudlay ang sitwasyon sang Pamilya Asejo nga tumandok sang Brgy. Don Esteban, Lapuz.

- Advertisement -

Sang ginkadtuan sang Radyo Bandera Iloilo news team ang pamilya, amon naabtan si Nanay Vilma Asejo, 67-anyos nga nagahigda sa iya nga katre kag indi makadugay pungko bangud sa iya sakit nga cervical cancer.

May yara ini sang anum ka kabataan apang isa lang ang upod sini sa sulod sang balay nga amo ang nagabulig sa iya nga mga kinahanglanon.

Tuman ka pigado ang ila nga kabuhi kag suno kay Nanay Vilma, nagapanghulam lang sila sang isa ka gantang nga bugas sa ila nga tupad balay.

- Advertisement -

Nagtulo ang luha ni Nanay Vilma sang ginhatagan na siya sang isa ka sako nga bugas, groceries, hygiene kits kag food supplements halin sa nasambit nga estasyon.

Dako ang pagpasalamat sini bangud indi na sila manghulam pa kay may ara na sila sang isa ka sako nga bugas kag pagkaon nga makapiyan-piyan sa ila nga kagutom.

Si Nanay Vilma ang isa lang sa mga benepisyaryo sang Radyo Bandera Iloilo, Serbisyong Bandera, Wow May Puso nga padayon nga nagabulig sa mga nagakinahanglan kag nagahatag sang paglaum sa mga Ilonggo.

- Advertisement -

Nahibaluan nga ang ginhatag nga bulig ang halin sa ginkolekta nga fund sa ginpatigayon nga Sikad Mo: Kabuhi Ko (Fun Ride and Bike Race) sang tinalikdan nga Hulyo 3 kadungan sang 1st year Anniversary sang Radyo Bandera Iloilo kag sang RYU-Foundation ni Dr. Ramel Uy.

Padayon nga magahatag ang Radyo Bandera Iloilo sa mga pamilya nga pigado kag nagakinahanglan sang bulig gani kabandera bantayan kay basi ikaw na ang masunod nga mahatagan.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
914SubscribersSubscribe
- Advertisement -

Latest Articles