Saturday, August 20, 2022

Radyo Bandera Iloilo, Serbisyong Bandera, Wow May Puso! Natandog ang balatyagon sang Pamilya Barbecho

- Advertisement -

Ginbisita sang Radyo Bandera Team ang puluy-an sang pamilya Barbecho sa Zone 3, Brgy. Nabitasan, La Paz, Iloilo City.

Masobra na duha ka dekada nga nagapuyo sa nasambit nga lugar ang mag-asawa nga sanday Evelyn Barbecho 41, housewife kag Eddon Barbecho 42, sikad driver kag may pito sila ka kabataan nga naga edad 21, 19, 17, 12, 10, 8 kag 5 ka tuig.

Ang subang nila nga bata ang nagatrabaho na sa parlor kag nagabulig pangita para sa pang adlaw-adlaw nila nga kinahanglanon.

- Advertisement -

Nahibaluan nga government property ang ila ginapuyu-an kag subject ini sa demolition kag nakit-an nga nawasak ang ila puluy-an tuga sang Bagyo Odette.

Napuno sang kalipay kag pagpasalamat ang nabatyag sang pamilya Barbecho nga mabaton sa labing una nga kahigayunan ang isa ka sako nga bugas, grocery items, kag hygiene kits halin sa Radyo Bandera Iloilo, Serbisyong Bandera, Wow May Puso nga padayon nga nagabulig sa mga nagakinahanglan kag nagahatag sang paglaum sa mga Ilonggo.

Nahibaluan nga ang ginhatag nga bulig ang halin sa ginkolekta nga fund sa ginpatigayon nga Sikad Mo: Kabuhi Ko (Fun Ride and Bike Race) sang tinalikdan nga Hulyo 3 kadungan sang 1st year Anniversary sang Radyo Bandera Iloilo kag sang RYU-Foundation ni Dr. Ramel Uy.

- Advertisement -

Padayon nga magahatag ang Radyo Bandera Iloilo sa mga pamilya nga pigado kag nagakinahanglan sang bulig gani kabandera bantayan kay basi ikaw na ang masunod nga mahatagan.

- Advertisement -

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
924SubscribersSubscribe
- Advertisement -

Latest Articles