Nagpahanumdom sa publiko ang Public Safety and Transportation Management Office (PSTMO) nga humalin las 12:00 sa udto tubtob sa gab-e sa Biyernes, Enero 13, 2023, ang may re-routing bangud sa pagahiwaton nga opening salvo sa selebrasyon sang Dinagyang Festival 2023.
Sa interview sang Radyo Bandera Iloilo kay Mr. Jeck Conlu, Head sang PSTMO, may yara sang Dinagyang Route Parade kag may pila naman ka mga lugar nga pwede maagyan sang mga jeep ukon salakyan.
Yari ang mga masunod nga ruta:
Jaro- Lapaz market-balik sa Jaro
Lapaz- Rizal-Capitol area-Quirino bridge- balik sa Lapaz
Lapuz/Bo. OBrero- Rizal, Lapaz-Capitol-Quirino bridge- balik sa Lapuz
Mandurriao-Gen.Luna-Mabini-Delgado Ledesma-Fuentes-Delgado- balik sa Mandurriao
Arevalo/Molo-Mabini-Ledesma-De Leon-Fuentes-Delgado- balik sa Arevalo/Molo
Timawa/Balurate- Ledesma-Mabini-De Leon-Fuentes- balik sa Timawa/Balurate
Waterfront -Plaza Libertad-Parola- balik sa Waterfront
Suno kay Conlu, magasugod ang parada sa las 3 sa hapon kag posible nga magatakop sa las 7 sa gab-i sa diin magabukas man ang tanan nga dalanon.
Dugang pa ni Conlu, iga-deploy ang kapin 500 ka personnel sang PSTMO kaupod ang Philippine National Police.
Mahibaluan nga sugod sa buwas nga adlaw, sunod-sunod naman ang aktibidad sang syudad, may kaangtanan sa selebrasyon sang Dinagyang 2023.
Naghingyu man ang natungadan sa publiko nga sumugod sa buwas nga adlaw, sunod-sunod na ang selebrasyon sa syudad kag ginapahibalo ang publiko sa natalana nga schedule sang aktibidad kag pagsirado sang dalanon.
