ILOILO CITY — Nangin madinalag-on ang ginapatigayon nga resbakuna sa botika sa tatlo tanan ka mga botika sa syudad sang Iloilo.
Sa interview sang Radyo Bandera Iloilo kay Mr. Jeck Conlu COVID-19 spokesperson sang syudad ginpahayag sini nga isa sa mga katuyuan sang resbakuna sa botika amu nga mas makahatag sang dugang nga convenience sa mga luyag nga magpabakuna bangud nga madugangan ang vaccination sites sa syudad.
Sunu sa natungdan ang mga botika ang ginpili mismo sang Department of Health (DOH) agud nga mapasigurado nga safe ang COVID-19 vaccination sa nasambit nga mga areas.
May kaangtanan diri sunu kay Conlu natalana pa nga dugangan sang nasambit nga ahensya ang mga botika nga mahimu patigayunan sang vaccination.
Madumduman nga ginpangunahan ni DOH Secretary Francisco Duque III ang inagurasyon sang resbakuna sa botika upod nanday Mayor Jerry Treñas, Secretary Carlito Galvez Jr., kag Secretary Vince Dizon.
