Gin-athag sang Department of Agriculture nga rekomendasyon pa lang ang ginpagwa nga Resolution Number 013 sang Regional Agricultural and Fishery Council.
Ini matapos ginpahayag ni Governor Arthur Defensor Jr. nga recommendation pa lang ang nasambit nga resolution sang DA.
Sa karon ginkumpirmar man sang Department of Agriculture pinaagi kay James Earl Ogatis, spokesperson sang Department of Agriculture nga positive ang lima ka blood samples sang baboy nga ginpaidalum sa diagnostic test nga ginpadala sa Bureau of Animal Industry (BAI) sa Animal Disease Diagnostic Laboratory.
Suno sa gobernador importante ang pagsunod sa containment kag total banning of movement sang baboy sa sulod sang 50 kilometros nga radius sa banwa sang Oton.
Suno naman kay Dr. Darrel Tabuada, head sang Iloilo Provincial Veterinary Office Importante ang koordinasyon sang Municipal Mayors sa 42 ka mga kabanwahanan lakip na ang Passi City sa pagpatuman sang standard proctocol kadungan sa rekord sang pinaka-una nga kaso sang African Swine Fever sa Western Visayas humalin sang tuig 2018.
