Tuesday, February 7, 2023

Road Closure, i-patuman sa Opening Salvo sang Dinagyang 2023 sa buwas nga adlaw

- Advertisement -

Magasirado ang pila ka mga dalanon sa City proper area sang syudad sang Iloilo para sa pagahiwaton nga Opening Salvo buwas nga adlaw, epektibo las 12 sang udto.

Sa interview sang Radyo Bandera Iloilo kay Mr. Jeck Conlu, Head sang Public Safety and Transportation Management Office (PSTMO), totally close ang mga dalanon sa Muelle Loney (humalin sa Grandstand padulong sa Capitol area); Bonifacio Drive (humalin MIWD- padulong sa Hall of Justice- Capitol area- JM Basa- City Hall/ Plaza Libertad); Quezon St.; Valeria St.; Aldeguer St.; Guanco St.; Arsenal St.; Arroyo St.; Yulo St.; Solis St kag porsyon sang Rizal St (Central Market).

Suno kay Conlu, nahamtang ang mga stage sa diin maga-perform ang mga tribu sa Freedom Grandstand; Capitol area; Ledesma-Quezon intersection; kag Mapa- Rizal St. Intersection.

- Advertisement -

Dugang pa sang natungdan, carousel type ang order sang parade sa diin magapasakop sa street dancing ang 15 ka mga tribu kag maga-perform naman sa stage ang 18 ka mga kandidata sang Ms. Iloilo 2023.

Nagalaum man si Conlu nga magatakop las 7 sa gab-e ang kahiwatan agud nga mabuksan na ang mga dalanon kag panugyan sini sa publiko nga i-enjoy ang paglakat-lakat sa dalanon bilang essence sang selebrasyon kag magbalon gid sang malaba nga pasensya.

Samtang, magadeploy naman ang bug-os nga pwersa sang PSTMO kag PNP sa mga dalanon agud nga i-regulate ang posible pagsulod sang pila ka mga vendors kag motorsiklo.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,350SubscribersSubscribe

Latest Articles