Sample Ballots nga ginapanagtag sa Polling Centers,ginadumilian sang Comelec

Ginadumilian sang Commission on Elections ang pagpanagtag sang mga sample ballots sa mga polling centers sa palaabuton nga pinili-ay.

Sa interview sang Radyo Bandera Iloilo kay Atty. Wilfred Jay Baldisado, Regional Director Comelec Region VI, ginpahayag sini, sa Mayo 7 takna 12:00 tungang gab-e maga takop na ang campaign period sang mga kandidato para sa eleksyon kag wala na sang campaign activity nga pagahiwaton.

Dugang pa sini, mas makapamaayo kun sundon sang mga kandidato kag mga botante ang Comelec guidelines agud malikawan ang election offense.

Samtang sa pihak nga bahin, sa tion sang pagpinili-ay mas makapamaayo kun indi mag suksok sang mga campaign paraphernalias bangud nagapakita lang ini sang pagsuporta sa isa ka kandidato.